“60 тэрбум”-ын хэрэгт нэгэн яамны газрын дарга шалгагдаж эхэлжээ

-АТГ-Т Г ГЭГЧ НЬ ИХ ХЭМЖЭЭНИЙ МӨНГӨ БУСДААС АВЧ БАЙГАА БИЧЛЭГ ИРСЭН ГЭНЭ-

МАН-ын удирдлагууд төрийн албан хаагчдаас босгохоор төлөвлөсөн “60 тэрбум” төгрөгтэй холбоотой асуудлаар Авлигатай тэмцэх газраас өнгөрсөн наймдугаар сард эрүүгийн хэрэг үүсгэн шалгаж эхэлсэн. Албан тушаалд очихдоо авлига өгсөн байж болзошгүй гэсэн үндэслэлээр нийт 3000 гаруй төрийн өндөр албан тушаалтнуудыг АТГ-аас мэдүүлэг авч шалгасан. Тэгвэл саяхан АТГ болон Улсын мөрдөн байцаах газрын Эдийн засгийн гэмт хэрэгтэй тэмцэх хэлтэст “Баян ……..” ХХК-ийн захирал Б гэгч өргөдөл өгчээ.

Тэрээр Хорлоо овогтой Д түүний хүү ………..  яаманд газрын дарга ажилтай Г нарт 200 сая төгрөгөө залилан мэхлүүлсэн тул шалгуулахаар гомдол гаргаж байна. 2015 оны  зургаадугаар сарын 16-ны өдөр Хорлоо овогтой Д, түүний хүү нэгэн яаманд газрын дарга ажилтай Г нар нь М…. компанийн нэрийг барьж, манай компанийн тусгай зөвшөөрөл нь их хэмжээний алттай, 200 сая  төгрөг зээлээч, уул уурхайн үйл ажиллагаагаа эхлэхээр эргүүлээд өгье гэж хэлсэн. Мөн Д нь Монгол Ардын Нам сонгуульд ялахаар манай хүү газрын дарга болоход дээрх мөнгийг зарцуулна, намын дарга нарт өгнө гэж хэлээд 200 сая төгрөг зээлсэн.

Гэтэл тухайн тусгай зөвшөөрөл нь ямар ч алтны нөөцгүй байсан бөгөөд намайг залилсан гэдгийг сүүлд мэдээд мөнгөө нэхтэл удахгүй өгнө гэсээр өнөөдрийг хүрсэн. Хорлоо овогтой Д-ийн хүү нь 2016 оны УИХ-ын  сонгуулийн дараа нэгэн яаманд газрын дарга болсныг саяхан мэдсэн. Надаас залилан авсан 200 сая  төгрөгөөрөө төрий албан тушаал худалдан авсан болох нь тодорхой байна. Үүнийг шалгаж өгнө үү” гэх утга бүхий өргөдөл өгсөн байна.

Энэ талаар нэгэн эх сурвалж “Нэгэн яамны газрын дарга Г болон түүний ээж нар “Баян ……..” ХХК-ийн захирал Б-гээс 200 сая төгрөгийг 2016 оны УИХ-ын сонгуулийн өмнө зээлсэн болох нь хоёр компанийн хооронд байгуулсан зээлийн гэрээ, бэлэн мөнгөний баримт зэргээс тодорхой харагдаж байгаа. Мөн яамны газрын дарга албан тушаалтай Г нь 200 сая төгрөг өөрийнхөө ажил дээр тоолж, ширээн дээрээ өрж байгаа бичлэг ирсэн.

Одоогоор Г гэх нэгэн яамны газрын дарга бусдаас 200 сая төгрөг зээлэн авч, МАН-ын удирдах албан тушаалтнуудад өгч, төрийн албан тушаалыг  худалдаж авсан эсэхийг шалгаж тогтоох ажил хийгдэж байна. Хэрэг мөрдөн шалгах ажил дөнгөж эхэлж байгаа болохоор үүнээс илүү мэдээлэл өгөх боломжгүй байна. Төрийн албыг наймаалцаж, мөнгө босгох гэж байгаа талаарх “60 тэрбум” төгрөгтэй холбоотой бичлэг олон нийтэд ил гарах үед 200 сая төгрөгөөр газрын даргын албан тушаал худалдаж авах талаар мэдээлэл цацагдаж байсан” гэв.  Өөр нэг эх сурвалжаас авсан мэдээллээр  Ерөнхий сайд асан Ж.Эрдэнэбатын ойр дотны хүн 200 сая төгрөг бусдаас зээлж аваад, МАН-ын удирдлагуудад өгсөн байж болзошгүй хэрэгт шалгагдаж байгаа гэх мэдээлэл өгч байв.

Эх сурвалж: Б.ЗОРИГТБААТАР

С.Бямбацогт: Багш нарынхаа нийгмийн асуудалд анхаарах нь төрийн үүрэг

Ховд хотноо Ерөнхий боловсролын сургуулийн багш, ажилтан, албан хаагчдын “Тогтвортой хөгжил-Ерөнхий боловсрол” баруун бүсийн улсын зөвлөгөөн боллоо. Тус зөвлөгөөнөөр боловсролын салбарын эрх зүйн шинэчлэл, багшийн үр дүнд суурилсан цалин хөлсний шинэ тогтолцооны талаар хэлэлцлээ. Мөн сургалтын агуулга, хөтөлбөр, сурах бичгийн чанар, стандартын асуудлыг хөндсөн байна. Түүнчлэн хүүхдийн хөгжил хамгаалал, хөгжлийн бэрхшээлтэй суралцагчийн болон адил тэгш боловсролын үйлчилгээ хэрэгтэй хүүхдийн төлөө чухам юу хийх ёстой талаар санал солилцжээ.

Тус зөвлөгөөнд УИХ-ын гишүүн С.Бямбацогт оролцож үг хэлсэн байна. Тэрээр хэлсэн үгэндээ “…Багш хүн, тэр дундаа ерөнхий боловсролын сургуулийн багш нар монгол хүний амьдралын чиг шугмыг заагч, Монгол улсын ирээдүйн хувь заяаг тодорхойлогч чухал ажил албатай хүмүүс. Тэр ч утгаараа ерөнхий боловсролын салбарт тулгамдсан асуудлыг хэлэлцэж, түүнийг шийдвэрлэх тодорхой гарц шийдлийг олж хэрэгжүүлэхэд энэхүү зөвлөгөөний гол ач холбогдол оршиж байна. Боловсролын салбарын хөгжлийг ярихгүйгээр, багш нарынхаа өмнө тулгамдсан асуудлыг шийдэхгүйгээр хувь хүний хөгжил, цаашлаад улс орны хөгжлийн тухай ярих нь дэндүү өрөөсгөл…” гэсэн юм. Мөн Монгол улсыг байгалийн баялаг биш харин дэлхийд үнэлэгдэх мэдлэг боловсролтой хүн л хөгжүүлнэ гэдгийг тодотголоо.

Түүнчлэн багш нарыг бэлтгэх сургуулийн босго өндөр, бас элсэгчдэд төрөөс үзүүлэх дэмжлэг илүү байх ёстойг чухалчиллаа. Зөвлөгөөнд оролцогчид багшийн ажлын ачаалал, мэргэжлийн ур чадварт нь таарсан хөдөлмөрийн үнэлэмжтэй байх нь өнөөгийн цаг үеийн шаардлагад нийцнэ гэдгийг хэлж байсан. Ингэж байж багш өөрийгөө хөгжүүлэх, эрхэлсэн ажилдаа чин сэтгэлээсээ хандах урам зориг нэмэгдэнэ гэдгийг ч онцолж байлаа. Тэд бүсийн нэмэгдэл олгох, татвар зээлийн хөнгөлөлт үзүүлэх замаар төвлөрлийг сааруулж, алслагдсан бүсээ хөгжүүлэх, алслагдсан бүсийн багш, эмч нарын нийгмийн асуудлыг шийдвэрлэхэд төр илүү анхаарал хандуулах ёстой гэсэн С.Бямбацогт гишүүнтэй санал нэг байгаагаа илэрхийлсэн юм. Дашрамд дурдахад өнөөдөр төрөөс төсвийн нийт орлогынхоо 5-ны 1-ийг боловсролд зарцуулж байгаа юм. Гэхдээ боловсролд оруулсан хөрөнгө оруулалт эргэж өгөөжөө өгдөг учраас энэ хөрөнгө оруулалтыг илүү үр ашигтай зарцуулах тал дээр нэг талаас төр, нөгөө талаас сургууль боловсролын байгууллага, багш нар хамтарч ажиллах нь зүйтэй гэдэг дээр тогтлоо. Энэхүү зөвлөгөөний үеэр хөндөгдсөн асуудал бүрээр төрөөс холбогдох шийдвэрүүдийг гаргаж хамтран хэрэгжүүлэх юм.

Б.Хурцыг элчин сайдаар томилохыг дэмжлээ

УИХ-ын чуулганы нэгдсэн хуралдаанаар Б.Хурцыг БНСУ-д суух Элчин сайдаар томилох асуудлыг хаалттай хэлэлцлээ. Хэлэлцүүлгийн үеэр Ц.Нямдорж сайд “Та нар хаалттай хэлэлцэж, нэг хүнийг өөгшүүлж байна. Би энэ хуралдаанд оролцохгүй” гэсэн байр суурь илэрхийлсэн байна.

УИХ-ын гишүүдийн зүгээс “УИХ үндсэн чиг үүргийнхээ хүрээнд томилгоо хэлэлцэж байна. Б.Хурцыг Элчин сайдаар томилох саналыг Засгийн газар өөрсдөө гаргаж, Ерөнхийлөгч үүнийг хүлээн зөвшөөрсөн. Тиймээс томилгоог хэлэлцээд явах нь зүйтэй” гэжээ. Ингэснээр Б.Хурцын томилгоог хэлэлцэж, гишүүдийн 90 орчим хувь нь дэмжсэн байна.

Г.ИТГЭЛ

“ХЭЛГҮЙ” ГИШҮҮН

"ХЭЛГҮЙ" ГИШҮҮН

Энэ удаагийн парламентад анх удаа сонгогдсон гишүүдийн нэг бол Л.Мөнхбаатар. Тэрбээр 2016 оны сонгуулиар МАН-аас Хөвсгөл аймагт нэр дэвшин, сонгогдсон. Хуульч мэргэжилтэй, 1999 оноос Хууль зүйн яамны Эрх зүйн шинэтгэлийн стратегийн нэгдсэн төлөвлөлтийн газрын мэргэжилтнээс ажлын гараагаа эхэлж, 2008 он хүртэл газрын дарга хүртлээ дэвшсэн нэгэн. МАН мандаж явах үед Улсын бүртгэлийн ерөнхий газрын даргаар дөрвөн жил ажиллаж байсан. Улсын бүртгэлийн газрын даргаар ажиллаж байхдаа “царцааны” асуудлыг жинхэнэ утгаар нь хийдэг байсан гэх шар мэдээ ч хэвлэлийн хуудаснаа бий. Түүнийг намынхаа нөхдийн царцааны нүүдлийг нь зохицуулдаг, ингэхдээ хэрхэн хууль зөрчихгүй байх талаарх гаргалгааг ч гаргачихсан байдаг гэх юм билээ.  2012 оны УИХ-ын сонгуульд өрсөлдөж ялагдал хүлээсэн Л.Мөнхбаатар 2016 оны сонгуульд бэлтгэн дөрвөн жил Хөвсгөл аймагтаа амьдарч байгааднутгийн иргэдээ тойлсоор гарч ирсэн гэх.

2012 оны УИХ-ын сонгуулийн дараа нэр дэвшигч нь ялагдал хүлээсэн хэмээн Хөвсгөл аймгийн “SKY”  телевизийн ажилчдаа зодсон бичлэг шуугиан тарьж байв. Өөрийгөө рекламдуулах гэж мөнгө төлсөн телевиз нь эсрэг нам болон АН-ынханд үйлчилсэн гэх шалтгаанаар ажилтнаа зодсон захирал нэр дэвшигч нь Л.Мөнхбаатарын зөвлөх байсан гэх юм билээ.

МАН-ын 32-ын  бүлэгт харьяалагддаг, засгаа огцруулахын эсрэг байсан. УИХ-д сонгогдоод хоёр жил болох гэж байгаа ч Л.Мөнхбаатар гишүүн “хэлгүй” гишүүдийн нэг хэвээр бий. Ямартай ч хоёрдугаар ангиа дүүргэж байгаа түүнд дахиад хоёр жилийн хугацаа бий. УИХ-ын “хэлгүй” гишүүдэд хаягласан “хэлд орж эхлэхгүй бол буцаад очиход тань тойргийнхон нь танихгүй болох вий дээ” гэх хошигнол ч олон нийтийн сүлжээгээр явж харагдана лээ.

ТӨГССӨН СУРГУУЛЬ, МЭРГЭЖИЛ

1995 онд Хөвсгөл аймгийн Цэцэрлэг сумын 10 жилийн сургууль

1999 онд Монгол Улсын их сургууль Хууль зүйн дээд сургууль, эрх зүйч, бакалавр

2008 онд Отгонтэнгэр их сургууль, хууль зүйн ухааны магистр

Хүмүүнлэгийн ухааны их сургууль, эдийн засгийн ухааны бакалавр

2012 оноос Монгол улсын их сургуулийн Төгсөлтийн дараах сургууль, Хууль зүйн ухааны докторант

АЖИЛЛАСАН БАЙДАЛ

1999-2000 онд Хууль зүйн яамны Эрх зүйн шинэтгэлийн стратегийн нэгдсэн төлөвлөлтийн газарт мэргэжилтэн

2000-2006 онд Хууль зүй, дотоод хэргийн яамны Гэмт хэргээс урьдчилан сэргийлэх зөвлөлийн мэргэжилтэн, ахлах мэргэжилтэн

2006-2008 онд Хууль зүй, дотоод хэргийн яамны Мэдээлэл, хяналт-шинжилгээ, үнэлгээний газрын дарга

2008-2009 онд Засгийн газрын хэрэгжүүлэгч агентлаг, Иргэний бүртгэл, мэдээллийн улсын төвийн дарга, улсын ерөнхий байцаагч

2009-2011 онд Засгийн газрын хэрэгжүүлэгч агентлаг, Улсын бүртгэлийн ерөнхий газрын дарга, улсын ерөнхий бүртгэгч

2012 онд Монгол Улсын Ерөнхий сайдын зөвлөх

2013 онд Монгол Ардын Намын даргын зөвлөх

2014-2016 онд “Хөвсгөл хөгжил” сангийн тэргүүн

2016 оноос Монгол Улсын Их Хурлын гишүүн

Ш.ЧИМЭГ

Монголоос Лондон хүртэл тэмээн жингээр аялаж буй Байгальмаагийн аялал амжилттай үргэлжилж байна

Энэ бүсгүйг Байгалмаа гэдэг. Монголоос Лондон хүртэл тэмээн жингээр явах галзуу, гайхалтай гэмээр аяллыг санаачлагч. Сонсоход л бүтэшгүй мэт санагдаж байгаа хэдий ч тэр аль хэдийнээ үүнийг бүтээхийн төлөө олон зүйлсээ золиослон аяллаа эхлэн явж байна. Олон хамтрагч нартай эхэлсэн хэдий ч замд тулгарах шалтгаануудын улмаас хамтрагч нар нь буцсаар одоо тэрээр дэлхийгээр аялагч алдарт алхагч Karl Bushby -тэй хамт цааш аяллаа үргэлжлүүлэн явсаар байна. Аялал жуулчлалын салбарт ажилдаг тэрээр монгол орноо дэлхийд сурталчилах асар том зорилгыг өвөртлөн өвлийн хүйтнийг үл ажран аяллаа амжилттайгаар үргэлжлүүлэн явж байна. Түүний асар их зориг, зорилгод нь амжилт хүсэе.

  • 1
  • 2
  • 3
  • 4
  • 5
  • 6
  • 7
  • 10 

  • 11 

  • 12 

  • 13 

  • 14 

  • 15 

  • 16 

Л.Энх-Амгалан иргэдтэйгээ нэгдэж, Л.Ганболд бизнес бүлэглэлтэйгээ нэгдэнэ

Хөвсгөл аймгийн Иргэдийн төлөөлөгчдийн хурлын тавдугаар хуралдаан арванхоёрдугаар сарын 4-ний өдөр болж, төсвөө хэлэлцсэн байна. Тус аймагт энэ жил 9.5 тэрбум төгрөгийн төсөв хуваарилж өгснийг чамласан Засаг ноён Л.Ганболд уул уурхайн хайгуул ашиглалт явуулах тухай тогтоолыг тус хуралдаанаар танилцуулан баталгаажуулаад авав. Төрөөс тус аймгийг онгон дагшнаар нь аялал жуулчлалын бүс нутаг болгон хөгжүүлэх хэтийн зорилтыг баримтлан ажилладаг билээ. Гэтэл аймаг тэрүүлсэн нэг Засаг дарга нь ийм харалган шийдвэр гаргасанд тус аймгаас сонгогдсон түшээ, УИХ-ын дэд дарга Л.Энх-Амгалан ихээхэн бухимдалтай байгаа.

Тиймээс Л.Энх-Амгалан хэлэхдээ “Манай аймаг нь аялал жуулчлал хөгжих бүрэн боломжтой бүс нутаг. Нөгөө талаар газар тариалан эрхэлдэг, элдэв төрлийн ургамал жимс, байгалийн баялаг арвинтай учраас ямар ч төрлийн үйлдвэрлэл хөгжих боломжтой. Мөнхүү таван сая гаруй малтай гээд уул уурхай ашиглах ямар ч шаардлагагүй бүс нутаг. Тиймээс би аймгийн Засаг даргын энэ шийдвэрийг эсэргүүцэж байна. Манай иргэд ч эсэргүүцэж байна, миний хувьд ч энэ шийдвэрийг эргэн харах тал дээр иргэдтэйгээ хамтран ажиллана” хэмээн байр сууриа илэрхийлсэн билээ.

Харин Хөвсгөл аймгийн Засаг дарга Л.Ганболд “Манай аймаг байгалийн арвин баялагтай нутаг, тиймээс орон нутгийн төсвийг бүрдүүлэх замаар уул уурхайн хайгуул ашиглалт хийхээр төлөвлөлөө. Нөгөө талаар энэ бүсээс орж ирэх мөнгийг аймгийн бүтээн байгуулалт бусад зүйлд зарцуулна. Энэ ажлыг орон нутгийн өмчит компаниуд хариуцаж ажиллах юм. Манай орлого нэмэгдэх учиртай” хэмээн тайлбарласан нь бий. Тэрбээр энэхүү байр суурийг хэлэхдээ “Орон нутгийн өмчит компани” хэмээн онцолсны цаана түүний бизнес бүлэглэл нуугдаж байхыг үгүйсгэх аргагүй. Ерөөсөө энэ мэт харалган шийдвэрийг бизнес бүлэглэлүүд л хүч түрэн баталгаажуулдаг нь туйлын үнэн. Түүнээс бус Хөвсгөл аймгийн ИТХ-ын бүрэлдэхүүнд иргэд дундаасаа сонгогдсон, тэдний хүсэл сонирхолд нийцсэн төлөөлөгч цөөнгүй байж таарна. Үүний зэрэгцээ бизнес бүлэглэлийн этгээдүүд ч өөрсдийнхөө эрх ашгийг бөөцийлж суудаг нь ч байж л таарна. Үүнээс харвал Л.Ганболд дарга ИТХ-д байх бизнес бүлэглэлтэйгээ хүч хавсраад энэхүү шийдвэрийг гаргачихлаа гэж харж болохоор.

Дээрх эрхмүүдийн байр суурийг харвал Хөвсгөл аймгаас сонгогдсон УИХ-ын дэд дарга Л.Энх-Амгалан, Хөвсгөл аймгийн Засаг дарга Л.Ганболд нарын дунд зөрчилдөөн үүсч байна гэж ойлгож болохоор. Өөрөөр хэлбэл, Л.Энх-Амгалангийн талд зогсох нийт иргэд сонгогчид, Л.Ганболд даргын талд зогсох бизнес бүлэглэл дундын зөрчилдөөн үүсч байна. Таамаглаж бодоход “Орон нутгийн өмчит компани” хэмээсний ар талд ихээхэн хэмжээний хөрөнгө мөнгөний асуудал яригдаж таарна. Тэдний хувьд бол хөрөнгөө баяжуулахаар зэр зэвсгээ агсаад бүхий л газар нутгийг ухахад бэлдэж байгаа. Харин хэдэн зуунаар үе уламжлан ашиг шимийг нь хүртэж ирсэн байгалийн баялаг, газар тариалангаа эрхэлж, мал сүргээ адуулсаар байх газар нутгаа бүрэн бүтэн байлгахын төлөө иргэд олон нийт тэмцэх биз ээ. Нөгөө талд Хууль тогтоох дээд байгууллагад нэгэн үзэл санаатай, өөрсдийнх нь дундаас сонгогдсон гишүүн сууж байгаа учраас онгон дагшин байгаль байгаль хэвээрээ үлдэх нь дамжиггүй хэмээн иргэд ярьж байна.

Японы Засгийн газар 32 тэрбум иений гэрээнд гарын үсэг зурлаа

Монгол Улсын Ерөнхий сайд У.Хүрэлсүх Японы Олон улсын хамтын ажиллагааны байгууллага/ЖАЙКА/-ын Тэргүүн дэд ерөнхийлөгч Казүхико Кошикаваг хүлээн авч уулзлаа.

Ерөнхий сайд Монгол Улсад хийж байгаа ажлын айлчлалд нь амжилт хүсээд ОУВС-аас хэрэгжүүлж буй “Өргөтгөсөн санхүүжилтийн хөтөлбөр”, түүний дотор Япон Улсаас үзүүлж буй дэмжлэг нэн ач холбогдолтой юм.

Монгол Улсад олгож буй зээлийн эхний шатны 32 тэрбум иенийн санхүүжилтийн хэлэлцээрт гарын үсэг зурсанд Казүхико Кошикава танд  талархал илэрхийлье гэв.

ЖАЙКА байгуууллага боловсрол, дэд бүтэц,  хөдөө аж, ахуй, худалдаа хөрөнгө оруулалт зэрэг салбарт дэмжлэг үзүүлж байгааг тэмдэглэв.

Япон Улсаас Монгол Улсад олгож буй зээлийн хэлэлцээрийг богино хугацаанд амжилттай соёрхон батлуулна гэдэгт итгэлтэй байна гэж Казүхико Кошикава хэллээ.

Уулзалтын үеэр Хөшигийн хөндийн шинэ нисэх буудлын үйл ажиллагааг товлосон хугацаанд нь эхлүүлэх, жижиг дунд үйлдвэрлэлийн салбарыг хөгжүүлэх, байгаль орчныг хамгаалах хамтын ажиллагааны хүрээгээ өргөжүүлэх зэрэг чиглэлээр санал солилцов гэж Засгийн газрын Хэвлэл мэдээлэл, Олон нийттэй харилцах хэлтсээс мэдээллээ.

“НӨАТ-ын 2%-ийн буцаан олголтыг 2018 оны эхний улиралд багтаж иргэдийн дансанд шилжүүлнэ”

НӨАТ-ын зарим эргэлзээтэй асуудлаар нийслэлийн Татварын газрын Татвар төлөгчтэй харилцах хэлтсийн Татварын улсын байцаагч А.Хүрэлмаатай ярилцлаа.

– Иргэдийн бүртгүүлсэн баримтыг цаад талаас “илгээгээгүй” гэсэн бичиг гардаг. Ийм нөхцөлд иргэн хаана хандах ёстой вэ?

– Энэ талаар өмнө нь мөн мэдээлэл өгч байсан. Хуулиндаа аж ахуйн нэгж 72 цагийн дотор илгээх үүрэгтэй, илгээгээгүй гэж гарсан тохиолдолд баримтаа устгаад дахин оруулсанаар автоматаар баталгааждаг. Харин дахиж оруулахад уг байдал хэвээр байвал 1800-1288 дугаар руу залгаж НӨАТ-ын сугалааны дугаараар шалтгааныг тодруулна. Ихэнх тохиолдолд иргэн буруу шивсэнээс үүссэн байдаг. Иргэдийн зүгээс баримтын дугаарыг шалгаж оруулах, шивсэн баримт тань үнийн дүн зөрүүтэй, ААН илгээгээгүй төлөвтэй байвал тухайн баримтын ДДТД-аар шивэх боломжтой. Шивсэн төлбөрийн баримтаа баталгаажтал болон сугалааны тохирол болох хүртэл хаяхгүй байх хэрэгтэй. Сугалааны тохирол явагдах өдрийн өмнөх өдрийн 24:00 цагийн дотор өмнөх сарын баримтыг шивж баталгаажуулснаар сугаглаанд орох боломжтой.

– Иргэдийн гомдлыг хэр хугацаанд шийдвэрлэж өгдөг вэ?

– Манай 1800-1288 утсанд ирсэн гомдлыг хүлээн авч, харьяа татварын алба руу шилжүүлж, 30 хоногийн дотор шийдвэрлэдэг. Гомдол гаргасан иргэнтэй хэрэгжүүлсэн арга хэмжээний талаар утсаар хариу мэдээлэл өгч ажилладаг. Нийслэлийн хэмжээнд өнөөдрийн байдлаар 1800-1288 дугаарын утсанд 2,500 гаруй санал гомдол ирсэн байна. Ирсэн гомдлын 87 хувь нь төлбөрийн баримт олгоогүй, үүнээс кассын машин эвдэрсэн, сүлжээ тасарсан, хямдарсан бараанд НӨАТ олгохгүй, мэйл хаягаар илгээнэ гээд илгээгүй тохиолдлууд ихэнх хувийг эзэлж байгаа.

Нийслэлийн хэмжээнд ирсэн гомдлын ихэнх хувийг худалдаа үйлчилгээний том төвүүдтэй Баянгол, Баянзүрх дүүргээс төлбөрийн баримт олгохгүй байна гэсэн гомдол эзэлдэг.

– Зарим худалдааны төв дугаар нь сайн харагдахгүй, бүдгэрсэн төлбөрийн баримт хэвлэж өгч байна. Тавигдах шаардлага байдаг уу?

– Стандартын шаардлага хангасан төлбөрийн баримт олгох үүрэгтэй. Кассын машины стандартанд төлбөрийн баримт хэвлэх цаас, хор ямар байхыг тодорхой заасан байдаг, үүнийг биелүүлэх үүрэгтэй.

– Худалдаа, үйлчилгээ үзүүлж буй аж ахуйн нэгж бүр төлбөрийн баримт гаргадаг кассын машинтай байх ёстой уу?

– НӨАТ-ын тухай хуульд худалдаа, үйлчилгээ үзүүлж буй татвар төлөгч бүр төлбөрийн баримт хэвлэх үүрэгтэй. Төлбөрийг баримтыг POS буюу кассын машин, и-баримтаар хэвлэх боломжтой. Тиймээс иргэд НӨАТ-ын 2 хувийн буцаан олголтоо бүрэн авахын тулд үйлчлүүлж буй газраасаа баримт шаардан авах эрхтэй.  Төлбөрийн баримт олгосноор үйлчлүүлэгч болон худалдан авагчдаа хүндэтгэж, сугалаанд оролцох болон НӨАТ-ын 2 хувийг буцаан авах боломж олгож байгаа юм.

– НӨАТ-ын баримт хэвлэх машиныг авч чадахгүй байгаа байгууллагууд ч бий. Эдгээр байгууллагуудад хандсан ямар ажил хийж байна вэ?

– Нийслэлийн татварын газар Хэрэглэгчийн систем нийлүүлэгчийн холбоотой хамтран энэ тал дээр ажиллаж байна. Тус холбооны гишүүн байгууллагууд иргэн, аж ахуйн нэгжүүдийн үйл ажиллагаанд тохирсон боломжийн үнийн саналтай хэрэглэгч хүсвэл тайлан гаргах хэмжээний програм суулгасан хэвлэх машин санал болгож, мэдээлэл өгч, суурилуулан ажилладаг.

– Нэг хэсэг баримт хэвлэх төхөөрөмжийн үнэ нэлээд асуудал дагуулж байсан. 1.5 сая төгрөгөөр, түүнээс ч өндөр өртгөөр баримт хэвлэдэг төхөөрөмж авах ёстой гэх мэдээллүүд байсан. Яг энэ төхөөрөмжийн нэг бүрийн үнэ зах зээл дээр ямар ханштай байгаа вэ?

– Кассын машины талаар их зөв ойлголттой болох  хэрэгтэй. Татвар төлөгч өөрийн үйл ажиллагаандаа тохирсон кассын машин хэрэглэх нь зохистой. Төхөөрөмжийн хүчин чадлаас хамаараад үнэ харилцан адилгүй байдаг. Зах зээл дээр 30,000 төгрөгөөс эхлэн зарагддаг.

– Орон сууц худалдан авсан хүнд энэ буцаан олголт хамаарах уу?

– Иргэд байр худалдан авсан төлбөрийн баримтаа өөрийн кодоор баталгаажуулан бүртгүүлэх ёстой. Орон сууц анх удаа худалдан авч буй хүнд НӨАТ-ын тухай хуулинд зааснаар сугалаанд оролцох, НӨАТ-ын 2 хувийг буцаан авах болон ХХОАТ-ын хуулиар хөнгөлөлт эдлэх боломж бүрдэж байна. Тиймээс иргэн та төлбөрийн баримтаа заавал авах хэрэгтэй.

– Иргэдийн нэг хэсэг нь сугалаанд найдахаас  илүү хувь хүнд олгох буцаан олголтын хувиа нэмэгдүүлэх нь илүү зохистой гэдгийг хэлж байна. Энэ талаар?

– НӨАТ суутган төлөгчөөс авсан төлбөрийн баримтаар сугалаанд болон НӨАТ-ын 2 хувийн буцаан олголт авах, суутган төлөгч биш татвар төлөгчөөс авсан төлбөрийн баримтаар  зөвхөн сугалаанд оролцох эрхтэй.

Сугалаанд оролцох татвар төлөгчийн тоо нь буцаан олголт авахаас их байдаг.

Жишээ нь, танд НӨАТ суутган төлөгч мөн болон биш татвар төлөгчөөс авсан 2 баримт байлаа гэж бодъя. Та 2 төлбөрийн баримтаар сугалаанд оролцоно. НӨАТ суутган төлөгчөөс авсан төлбөрийн баримтын төлсөн НӨАТ-ын дүнгийнх нь 2 хувийг буцаан авна. Хуулинд зааснаар 2018 оны эхний улиралд багтаж урамшууллыг иргэдийн дансанд шилжүүлнэ . Удахгүй иргэд урамшууллаа хэрхэн авах талаар мэдээллийг хүргэх болно.

ЕРӨНХИЙ САЙД ГАДААД БОДЛОГЫН БАЙР СУУРИА ИЛЭРХИЙЛЭВ

-Өмнө засгийн газар огцорч эрх баригч хүчин дотроос дараагийн Засгийн газар бүрэлдсэн ч улс төрийн хувьд тогтвортой байдал ажиглагдахгүй байгаа үед шинэ Ерөнхий сайд У.Хүрэлсүх ийнхүү гадаад бодлогын талаар мэдээлэл өгч байр сууриа илэрхийлсэн нь цагаа олсон хэрэг байлаа-

УИХ-ын нэгдсэн чуулганы Баасан гаригийн үдээс хойших хуралдаанаар Ерөнхий сайдын мэдээллийг сонсдог. Арванхоёрдугаар сарын 1-ний Баасан гаригийн хуралдаанаар Ерөнхий сайд У.Хүрэлсүх Монгол Улсын гадаад бодлогын талаар мэдээлэл өглөө.

Ямар ч улсын хувьд гол зүйл нь гадаад бодлогын залгамж халаа байдаг. Эрх баригч хүчин өөрчлөгдлөө ч гадаад бодлогоо үргэлжлүүлэн залгамжлах нь дэлхий нийтэд өгч байгаа аюулгүй байдлын дохио байдаг. Харин эсрэгээр өмнөх байр сууриас хазайх, эрс өөрчлөх нь болгоомжлолыг төрүүлж, бусад улс орон хүлээзнэсэн, харзнасан байдалд ордог. Монгол Улсын хувьд өнгөрсөн 2016 онд парламентад шинэ улс төрийн хүчин гарч ирсэн, энэ 2017 онд шинэ Ерөнхийлөгч сонгогдсон, мөн өнгөрсөн жил байгуулагдсан. Өмнө засгийн газар огцорч эрх баригч хүчин дотроос дараагийн Засгийн газар бүрэлдсэн ч улс төрийн хувьд тогтвортой байдал ажиглагдахгүй байгаа үед шинэ Ерөнхий сайд У.Хүрэлсүх ийнхүү гадаад бодлогын талаар мэдээлэл өгч байр сууриа илэрхийлсэн нь цагаа олсон хэрэг байлаа.

Ерөнхий сайд мэдээлэлдээ “Дэлхийн улсуудтай найрсаг харилцаатай байж, улс төр, эдийн засгийн болон бусад салбарын харилцаа, хамтын ажиллагааг хөгжүүлэх, олон улсын хамтын нийгэмлэгт байр сууриа бэхжүүлэх, улс орныхоо хөгжил, дэвшлийг урагшлуулах замаар тусгаар тогтнол, бүрэн эрхт байдлыг бататгах гадаад бодлогын үндсэн зорилгыг хангахын төлөө манай Засгийн газар ажиллах болно. Энэ зорилгын хүрээнд бид юун түрүүнд хоёр хөрштэйгөө харилцах харилцаанд тэргүүн зэргийн ач холбогдол өгч, БНХАУ-тай Иж бүрэн стратегийн түншлэлийн, ОХУ-тай Стратегийн түншлэлийн харилцааг хөгжүүлж байна. Хөрш хоёр оронтойгоо харилцан хүндэтгэлтэй, харилцан тэнцвэртэй, харилцан ашигтай байх зарчмыг баримтлан улс төр, эдийн засаг, соёл, хүмүүнлэг гээд олон салбарыг хамарсан харилцаа, хамтын ажиллагааг Засгийн газар хоорондын комисс, тодорхой асуудлаарх хамтарсан Ажлын хэсгүүд болон бусад яриа хэлэлцээний олон механизмыг ашиглан өргөжүүлж ирлээ” хэмээн онцолсон.

Гэсэн ч бүх зүйл сайхан биш шийдэх ёстой асуудлууд ч байгааг хэлж үүний жишээ болгон өмнөд хөрш БНХАУ руу нүүрс тээвэрлэлт асуудал болоод байгааг дурдлаа. “Нүүрс ачсан автомашины 100 гаруй км урт цуваа асуудал байгааг илэрхийлж, өмнөд хилийг чиглэн зурайж байна. Төр, засгийн ямар ч бодлого, түүний дотор гадаад бодлого доголдоход эцсийн бүлэгт үр дагавар нь энгийн иргэдэд очиж тусдаг. Гадаадын зээл, тусламж, хөрөнгө оруулалт багассанаар ажлын байр хумигдана, авдаг цалин нь багасна” гэлээ.

БНХАУ, ОХУ гэсэн хоёрхон хөрштэй хиллэдэг Монгол Улсын хувьд энэ хоёр оронтой онцгой харилцаатай байдгийг Ерөнхий сайд дурдсан. Монгол, ОХУ 2016 онд Стратегийн түншлэлийг хөгжүүлэх дунд хугацааны хөтөлбөрийг баталсан. Энэ хүрээнд “Бүс нутаг, хил орчмын хамтын ажиллагаанд дэмжлэг үзүүлэх тухай Засгийн газар хоорондын хэлэлцээр”-ийг ойрын хугацаанд байгуулах, мөн худалдааны эргэлтийг тэнцвэржүүлэх, худалдаанд тулгарч буй тарифын болон тарифын бус саад тотгорыг арилгах зорилгоор Евразийн эдийн засгийн холбоотой чөлөөт худалдааны хэлэлцээр байгуулахаар ажиллаж байгааг Ерөнхий сайд хэллээ.

Нөгөө хөрш БНХАУ-тай Монгол Улс Иж бүрэн стратегийн түншлэлийн харилцааг бүх салбарт өргөжүүлэн хөгжүүлж байгаа. Энэ хүрээнд улс төрийн итгэлцлийг бэхжүүлэн, худалдаа, эдийн засгийн хамтын ажиллагааны хүрээнд тохиролцсон асуудлуудыг урагшлуулж, бодит ажил хэрэг болгох зорилт тавьж байгаагаа Ерөнхий сайд хэллээ. Тухайлбал, Худалдаа, эдийн засаг, шинжлэх ухаан, техникийн хамтын ажиллагааны Монгол-Хятадын Засгийн газар хоорондын комисс, Монгол, Хятадын Эрдэс баялаг, эрчим хүч, дэд бүтцийн хамтын ажиллагааны зөвлөлийн үйл ажиллагааг эрчимжүүлэх, Хятадын талтай хэрэгжүүлэхээр тохиролцсон томоохон төслүүдийн хамтын ажиллагаа, Хятадын талаас олгосон зээл, тусламжийн ашиглалт, худалдаа, эдийн засгийн хамтын ажиллагаанд тулгамдаад буй бусад асуудлыг зөв зохистой шийдвэрлэх зэрэг олон асуудлаар идэвхтэй ажиллаж байгааг онцоллоо.

2016 онд Монгол Улсын нийслэл Улаанбаатар хотноо АСЕМ буюу Ази-Европын дээд хэмжээний уулзалтыг хүлээн авч зохион байгуулсан нь манай улсын гадаад харилцааны оргил цэг байсан. 2016 оны долдугаар сарын 15-16-нд зохиогдсон энэ арга хэмжээнд Ази, Европын 10 орны Ерөнхийлөгч, 23 орны Ерөнхий сайд болон Шадар сайд, 17 орны Гадаад хэргийн сайд болон бусад сайд, Тусгай элч төлөөлөгчид, Европын Зөвлөлийн Ерөнхийлөгч, Европын Комиссын Ерөнхийлөгч, АСЕАН-ы Ерөнхий нарийн бичгийн дарга оролцсон. Их эзэн Чингисийн ач Гүегийг хаан ширээнд залрах их ёслолоос хойш Монголын газар нутаг дээр ийм олон үндэстний өндөр дээд хүмүүс цуглаагүй хэмээн хэвлэлүүд онцолж байсан. Харамсалтай нь үүнээс ердөө жил хагасын дараа гэхэд Монголын гадаад харилцааны тэр оргил үеийг мэдрэмж ор мөргүй шахам алга болжээ. Ерөнхийлөгч асан Ц.Элбэгдоржийн санаачилсан Монгол-ОХУ-БНХАУ-ын тэргүүн нарын гурван талт уулзалтын үр дүн, гурван улсыг дамнасан Эдийн засгийн коридорын хүрээнд хэрэгжүүлэхээр тохирсон 30 гаруй төсөл хөтөлбөр ямар шатандаа байгаа, Япон улстай байгуулсан Эдийн засгийн түншлэлийн хэлэлцээрийн хэрэгжилт гээд олон зүйл саармагжжээ.

Гадаад харилцаа гэдэг бол бичиг цаас шидэлцэхээс илүүтэй нүүр нүүрээ харж суугаад амьд харилцаа үүсгэж байж үр дүн нь гардаг өвөрмөц салбар. УИХ-д хийсэн мэдээлэлдээ Ерөнхий сайд ирэх онд ОХУ-д айлчлахаар төлөвлөж байгаагаа мэдэгдсэн байна. Харин Ерөнхийлөгч Х.Баттулгын тухайд албан ёсны мэдээлэл байхгүй ч Энэтхэг улсад айлчилж магадгүй гэсэн батлагдаагүй мэдээлэл байна.Монгол улсын шинээр сонгогдсон төрийн тэргүүнүүд анхны айлчлалаа гол төлөв хоёр хөршөөс эхэлдэг уламжлалтай. Тухайлбал, анхны Ерөнхийлөгч П.Очирбат 1993 онд ОХУ-д, Н.Багабанди 1998 онд БНХАУ-д, Н.Энхбаяр 2005 онд БНХАУ-д, Ц.Элбэгдорж 2009 онд Энэтхэгт тус тус анхны албан айлчлалаа хийж байжээ.

News.mn

УГААРТАЖ ХОРДСОН ХҮНИЙ ТОО 51 БОЛЛОО

Дарханы төмөрлөгийн үйлдвэрийн 51 ажилтан гүйлгэж, бөөлжин, халуурсан гэх нэг шинж тэмдгээр өвдөж, 31-нь Дархан-Уул аймгийн нэгдсэн эмнэлэгт хэвтэн эмчлүүлж байна. Аймгийнхаа эмнэлэгт тусгаарлагдан эмчлүүлж буй 31 хүний гурвынх нь биеийн байдал хүнд байгааг Эрүүл мэндийн яамны Тандалт шуурхай удирдлагын хэлтсийн дарга Д.Нарангэрэл мэдээллээ.

Үлдсэн 20 хүн нь гэрээр өрхийн эмчийнхээ хяналт дор хордлого тайлуулах эмчилгээ хийлгэж буй аж.

Өвчтөнүүдээс авсан шинжилгээний хариу эхнээсээ гарч эхэлжээ. Шинжилгээгээр ажилчид угаарын хийн хордлогод орcон нь тогтоогджээ. Энэ нь Дарханы төмөрлөгийн үйлдвэр ган бөмбөлөг хайлуулах явцдаа технологийн горим алдаж, хийн зуух болон дахин халаах зуухнаас их хэмжээний утаа гарснаас болсон байна.

Мөн ажилчдын цусанд угаарын хий,  хар тугалгын хордлого хэр байгааг тогтоолгохоор Шүүх шинжилгээний үндэсний хүрээлэнд ханджээ. Нэг дор ажилладаг хүмүүс олноороо эмнэлэгт хүргэгдсэн энэ явдлыг шалтгааныг  ажлын газрынхаа хоолноос хордсон байж болзошгүй гэж эмч нар таамаглаж байсан. Тэгвэл өвчтөнүүдээс авсан шинжилгээгээр хоол хүнстэй холбоотой халдвар биш нь тогтоогджээ.

Ажилчид нь эмнэлэгт хүргэгдэж эхэлсэн өдрөөс /2017.11.30/ Дарханы төмөрлөгийн үйлдвэрийн үйл ажиллагааг зогсоон Дархан-Уул аймгийн мэргэжлийн хяналт, Эрүүл мэндийн газар, Онцгой байдал, цагдаа хамтарсан ажлын хэсэг ослын шалтгааныг тогтоохоор ажиллаж байна. Нийслэлээс Халдварт өвчин судлалын үндэсний төв болон Нийгмийн эрүүл мэндийн үндэсний төвийн нарийн мэргэжлийн эмч нар болоод Мэргэжлийн хяналтын ерөнхий газрын байцаагчид үйлдвэр дээр ажиллаж байна. Тэд ямар шалтгаанаар, юунаас болоод  технологийн горим алдаж ажилчид нь хордсоныг нарийн тогтоох гэнэ.

Угаартаж, хордон өвдсөн үйлдвэрийн ажилчдад хөдөлмөрийн чадвараа түр хугацаагаар алдсан гэх шалтгаанаар тэтгэмж өгөх ёстой гэж хуульд заасан байдаг аж. Тиймээс Мэргэжлийн хяналтын ерөнхий газрын дэд даргаар ахлуулсан ажлын хэсэг өнөөдөр /2017.12.04/ нэмэлтээр Дархан-Уул аймгийг зорив. Тэд Дарханы Төмөрлөгийн үйлдвэрийн хөдөлмөр хамгааллын асуудлыг нарийн судалж, дүгнэлт гарах юм.

News.mn