П.Анужин: П үсгээр эхэлсэн хараалыг Монгол үгийн сангаас хөөе

2

596c5398487596113325207d0ba4fea7_1464143119

Их бага, хэлтэй хэлгүй, боловсролтой боловсролгүй “пэ” гэх таван үсэгтэй орос үгийг амны уншлага болгожээ бид. Маань мэгзэм мэт байнга дуудах энэ үгийн утгыг гарвал угаар нь мэддэг хэлтэнгүүд хараал болгон нэг хэлж байгаа байх. Нөгөө дийлэнхи нь юу хэлж байгаагаа ч мэдэхгүй зүгээр л шүршиж яваа. Орос хэлийг гадарлахгүй нэгэнд утга юмыг нь орчуулаад юу хэлээд явааг нь хэлээд өгмөөр. Монгол хүн лав эх хэл дээрээ ингэж хараахгүй нь лав! Улс орон даяараа зүрх, тархинаас тээр дор орших, дорд далдын үгийг үг бүрийн голд шахуу хавчуулаад дуудаж тунхаглаад байхаар юу болох вэ?!! Аливаа хүний үгийн сангаар олон зүйлийг хэмжиж болох мэт, үгийн сан бол тухайн хүний намтар гарвал, өсч тэлж, хүмүүжиж төлөвшсөн орчныг тэр чигт нь багтаан илтгэж байдаг жүжиггүй тусгал. Үгийн хүч боджин биелдгийг өвөг дээдэс минь “Амны бэлгээс ашдын бэлгэ” хэмээн захиж үлдээснийг саная! Муу, муухай үгсийг хичээнгүйлэн үгийн сангаасаа хөөе! Болж бүтэж буйгаа бэлгэ ерөөл болгон хэлцдэг сар шинийн өдрүүдэд хүмүүс, нийгмийн харилцаа хэрхэн эердгийг нэг тунгаая!
Ганган залуус пэ- ээр чамирхан ярихыг, боловсролтой улс эхнэр хайртаа пэ-ээр хараан зүхэхийг, энгийн гудманд энэ үг хэрцэлдэн хээв нэг тэнэхийг харав. Энэ биш ээ!
П.Анужин

Таньд манай сайт таалагдаж байвал "LIKE" дарж бидэнтэй нэгдээрэй

Хуваалцах

Нийтлэгчийн тухай

Энэ сайтын эрхлэгчтэй холбоо барих утас: 88095958

2 Comments

  1. Жумдаан on

    Толгой хоосон шоучин хуухэн, дээр уед Лоохууз хогшнийг баахан хатгаж байгаад Увсынханыг доромжлуулж билээ.

  2. Хэлснээр хэзээ ч болохгүйг мэдсээр байж, үе үе л нэг сонин юм ярих юм. Олны анхаарал татах гэдэг юм болов уу. Уур уцаар бухимдал байгаа цагт хараал байсаар л байх биз. Хасацгаая гэхэд тэгэцгээе гээд асуудал шийдэгдэхгүйгээс хойш өөр талаас нь харахыг хичээх хэрэгтэй.

Сэтгэгдэл үлдээгээрэй